Noch
em Plan, am Sunntig wieder mou uf e Chasseral z’gah, hets gheisse, packe,
Brötli striiche u d‘ Schneeschueh hole.
Scho uf dr Aafahrt het ois es wunderbars Panorama entgegeglüüchtet. Da si de
doch genialii Uusichte J
Chum in Nods aacho, hei mir d Schue gwechslet, de Rucksack gschnappt u si
loszottlet. Di erschte paar Meter no ohni d Schneeschue a de Füess, de glii eis
mit. Baud het d Wegmarkierig ine ganz anderi Richtig zeigt, wie mir hei weue.
Auso, dr guete Nase noche, schliesslich het mi die no fasch nie im Stich lah.
Defür isch jetz nur no e troumhafti Waldlandschaft vor ois gsi. Es paar wenigi nüm so frischi
Tierspure hei ois Weg krüüzt. U mir hei feschtgsteut, dass es im Jura doch no
sehr viu tüüfe Schnee het.
D’Zwüscheverpflegig het ois de noii Chraft geh u so si mir de aues am Grat
noche innere guete Spur Richtig Gipfu ufbroche. Leider het ois ds Wetter scho
längeri Ziit e Strich dur d Rechnig gmacht. D’Bise het d Wulche über ois lah
inezieh. So han i eis mou meh „mis“ Chasseralwetter gah.
Nebu bis über e Gipfu. Doch was söus, es isch eifach e wunderbari Landschaft
gsi. Dr Schnee isch immer meh wore,
d Böim i ihre Schneepacht immer schöner.
Dr Weg ufe zum Turm isch de gliich länger, aus mer gern heti, eswenn staht mer de doch drunder zue.
jetz heissts abe Richtig Hotel, es Süppli
het de scho müesse sii. Mir si de gliich erstuunt gsi, wieviu Skitouregänger do
obe ii u uusgange si.
Noch dere Stärchig hei mir oisi Sohlevergrösserige wieder montiert. Under viune
Angere isches abwärts zum Outo gange. Ach, jetz wäre doch es paar Ski nid
schlecht gsi L
Dune acho, e Blick zrugg, es het immer no Wouche ume Gipfu. Janu.
Bye bye Chasseral, bis zum näschte Mou