wider mol i de ferie mit dr F800GS
u wider mol i di französische alpe
nu dermol allai
noch dem ig scho es paar mou mit sozia ungerwegs gsi bi, het’s mi dieses jahr allai furt zoge
dr plan, es paar schotterstrasse z fahre, isch nöcher cho. auso, packe, fahre, loos….
ab über e grossi sankt bernhard, u scho het uf de südsiite o s wetter besseret.
aosta, rechts weg, chline sankt bernhard u de churz vor em rege uf val d’isère.
dert es schnuggeligs hotel gsuecht u gfunge. am abe ir pizzeria hani 6 cooli biker kenneglernt,
u so si mir de witer zeme i uusgang. ehres ziel am nächschte morge isch de haut es angers gsi.
so hani mi wieder allai uf e weg gmacht über e col d’iseran, colle de mont cenis uf e petit mont cenis. sackgass .
umchehre…..
uf de weschtsite vom see witer richtig grenze, es biz durab u e blick zrugg
weu ig susa scho kennt ha, d assietta nid uf em programm gstange isch, het’s g’heisse witer richtig oulx.
es isch nid mou mittag gsi, wo ig mi entschiede ha, über savoulx uf e jaffereau z’fahre. dr aafang isch no locker gsi, de het’s aber gliich no es paar steileri u steinigeri steue geh…. ebe nid so wie disi hie….
tja, dr blick zrugg uf d tunneuzuefahrt, offiezell zue, doch fahrbar !!!
es biz herezoome u ja, es wäri mögli
janu, ig bi jetz scho do obe auso witer….
jo, de kenne mir doch o, d chabi….
u de, ja, ig has gschafft. z oberscht uf m jaffereau. u wiedr cooli biker(-in) lehre kenne.
wer weiss, vielicht gseht mer disi 2 ( sandra und … ) mou wiedr im hotel nigritella. de tip isch nämli vo ihne gsi.
leider han ig mi de fausch entschiede, wo disi zwoi mi gfrat hei, fahrsch o dur ds tunneu durab.
ig ha de ebe nei gsait. u jetz ( alex u biggi’s photo isch de e chline schock gsi für mi im gs-forum)
isch de tunneu ebe wiedr ganz zuegschüttet.
wiiter, richtig bardoneccia, obe use zum fort foenes
abe uf bardoneccia, durscht, schwitz (schweiss !! ), schatte….
hotel, iichecke, dusche, umzieh, städtli aagugge.
dr morge drnoo:
traumwetter, aber es gringweh…. nid nett… u d tablette…. d chemieindustrie het o scho meh gnützt….
mischt, aber jetz bini hie u wot uf e sommeiller. im 1992 het mi mini denzumau noii super tenere scho dert ufetrait, ig muess eifach no mou dert ufe. los gaht’s!
allai, ohni sozia
morge früe.
u de gseht mer plötzli di schöne serpentine, yeah
immer no so wie igs i erinnerige ha
juhui, zwar si mir de gliich no 3 biker entgege cho (es git schinbar no meh lüt wo früe uufstöh)
aber ig ha freii bahn gah bis…..
ja, ig has verstange, es isch zfrüe im sommer, es het no schnee, ja, ig wiu mir da merke. doch wes nid mit m bike geit, de haut z’fuess. isch ja nüm wit, nu no 2 chehrene ……
on top of colle sommeiller 🙂
so, ja, da bini ufecho u hie geit’s o wiedr nidsi, zrugg ids tau woni doch grad hercho bi
oje, was gsehni de de dert? 4 jeep’s oder so. ok, de passe mir haut no chli meh uf um die kurvene. aber, die müsste doch öpe cho?
mischt, mitzt ire kurve, aber würkli mitzt drinne, steit dr vorderscht quer drinn.
weu ig ja allai ungerwegs bi, u ev o uf hiuf vo angere agwise chönnt sii,…
aahaute, abstiige u nachfrage.
ig bi ja nid mechaniker, drum bini de haut gliich drane verbii u wiiter ids tau
weus gringweh nid besseret het, han ig mi dunnde entschlosse hei z’fahre, dur e tunnel de fréjus.
ja, z’erscht u letscht mou: 1 fahrt eifach mit m bike, 28 €.
potz zipfuchappe u houzstecke…..
ja, bi dem priis het ig scho e haubi übernachtig zaut…..